عێراق فرۆکە لە کۆریای باشوور دەكڕێت

ناوەندی هەواڵ

بۆ بەدەستهێنانی كۆپتەر لە جۆری (KUH-1) وەزارەتی بەرگری عێراق گرێبەستی لەگەڵ کۆریای باشوور کردووە.

بەگوێرەی ڕاپۆرتێکی گۆڤاری میلیترینی تایبەت بە كاروباری سەربازی، کۆمپانیای کای کۆریای باشوور لەگەڵ وەزارەتی بەرگری  حکومەتی عێراق گرێبەستی بۆ کڕینی هەلیکۆپتەر لە جۆری (KUH-1)كە نرخەكەی (93) ملیۆن دۆلاری ئەمەریكییە واژۆكردوە.

لەدوای راگەیاندنی خواستی کۆریای باشور بۆ هەناردەکردن، عێراق یەکەم وڵاتە لەسەر ئاستی جیهان کە ئەم فڕۆکە کۆرییانە بەدەست دەهێنێت، هاوکات دوای بڕیارەكەی عێراقیش، حکومەتی ڤێتنام بڕیاریدا بیر لە کڕینی ئەو جۆرە فڕۆكە بكاتەوە.

گۆڤاری میلیترینی ئاماژەی بۆ ئەوەشكردوە، لە بازاڕە سەربازییەكاندا کۆپتەرە کۆریەکان، ڕکابەرێکی سەرەکی فڕۆکەی  (بلاک هۆک)ی ئەمریکی دەكەن،  ئەو رێکەوتنە لەگەڵ عێراق دەبێتە دەروازەیەک کە کۆریای باشور بتوانێت لەڕێگەیەوە بچێتە ناو بازاڕی کۆپتەرە سەربازییەكان لە جیهانیدا.