محەمەد حەلبوسی: لە بەغداد سكاڵای یاسایی لەسەر هۆشیار زێباری تۆماركرد

ناوەندی هەواڵ

محەمەد حەلبوسی، سەرۆكی حزبی تەقدوم، لە بەغداد سكاڵای یاسایی لەسەر هۆشیار زێباری، ئەندامی مەكتەبی سیاسی پارتی دیموكراتی كوردستان تۆماركرد.

ئەمڕۆ دوو شەممە، محەمەد حەلبوسی، سەرۆكی حزبی تەقدوم، لە دادگای لێكۆڵینەوەی كەرخی سێ لە بەغداد سكاڵای یاسایی لەسەر هۆشیار زێباری، ئەندامی مەكتەبی سیاسی پارتی دیموكراتی كوردستان تۆماركرد.

لەسكاڵانامەكەی حەلبوسیدا كە لەلایەن پارێزەرەكەیەوە پێشكەشی دادگای کەرخی سێ كراوە، دەڵێت، هۆشیار زێباری تۆمەتی مەترسیداری داوەتە پاڵ حەلبوسی، ئەو تۆمەتانە ناڕاستن و دورن لەڕاستیەوە بۆیە داوادەکەین تەواوی رێوشوێنە یاساییەكان دژی سكاڵالێكراو بگرێتەبەر.

سكاڵاكەی حەلبوسی دوای ئەوە دێت، زێباری لە نوسێنێكدا لە تۆڕی (ئێكس) ڕایگەیاندبوو، هەوڵێكی بێوچان هەیە لەلایەن هەندێك لە سیاسیە سودمەندو سەركێشەكان بۆ نقومكردنی وڵات لە قەیران، لەسەروشیانەوە، محەمەد حەلبوسی سەرۆكی پێشوی پەرلەمان.