لە سێ ساڵدا 40 هەزار كەس لەسەر ماددەی هۆشبەر دەستگیركراون

ناوەندی هەواڵ

ناوەندێكی تایبەت بە مافەكانی مرۆڤ ئاشكرای دەكات، لە ماوەی سێ ساڵدا 40 هەزار كەس لە عێراقدا بە تۆمەتی بازرگانیكردن و بەكارهێنانی ماددەی هۆشبەر دەستگیركراون، هەروەها 230 تۆڕی نێودەوڵەتی و ناوخۆییش هەڵوەشێندراونەتەوە.

فازڵ غەڕاوی، سەرۆكی ناوەندی توێژینەوەی ستراتیژی بۆ مافەكانی مرۆڤ ڕایگەیاند، لە ماوەی ساڵەكانی 2022 و 2023 و 2024دا 230 تۆڕی نێودەوڵەتی و ناوخۆیی بازرگانیكردن بە ماددەی هۆشبەر هەڵوەشێندراونەتەوە.

وتیشی: هەر لەو سێ ساڵەدا 40 هەزار كەس بە تۆمەتی بازرگانیكردن و بەكارهێنانی ماددەی هۆشبەر دەستگیركراون.

 بە پێی ئامارەكانی بەڕێوەبەرایەتی كاروباری ماددە هۆشبەرەكانی سەر بە وەزارەتی ناوخۆ، ماددەی كریستال باوترینی ئەو ماددە هۆشبەرانەن كە لە عێراقدا بەكاردەهێندرێن و ڕێژەكەی دەگاتە 37.3٪ دوای ئەویش حەبی كەپتاگۆن بەڕێژەی 34.35٪ و ئەوانەی دیكەش ڕێژەی 28.35٪ پێكدەهێنن.