حیزبوڵڵای لوبنان سەرکەوتنى قۆناغى یەکەمى ئۆپەراسیۆنەکانى دژی ئیسرائیل راگەیاند

ناوەندی هەواڵ

حیزبوڵڵای لوبنانی رایدەگەیێنێت، 320 موشەکایان ئاراستەی ئیسرائیل کردووە لە تۆڵەکردنەوەی کوژرانی یەکێک لە سەرکردە سەربازیەکان.

ئەمڕۆ یەکشەممە، حیزبوڵڵای لوبنان کۆتایی قۆناغی یەکەمی ئۆپراسیۆنەکانی دژ بە دوژمنی زایۆنیستی بە سەرکەوتنی تەواو ڕاگەیاند.

رۆژی یەکشەممە، 25-08-2024، بزووتنەوەی حیزبوڵڵای لوبنانی رایگەیاند، بە هاوکاری خوای گەورە قۆناغی یەکەم بە سەرکەوتووی تەواو بووە، کە قۆناغی بە ئامانجگرتنی سەربازگە و پێگەکانی ئیسرائیل بوو، و چەندین ناوچەیان بە ئامانج گرتووە لە قووڵایی وڵاتەکە.

ئاماژەی بەوەشکردووە، ژمارەی موشەکەکانی کاتیۆشا کە تا ئێستا هەڵدراون، 320 موشەکیان تێپەڕاندووە و ئاراستەی 11 بنکەی سەربازیی رژێمی زایۆنی کردووە، بە هاوکاری خودای گەورە کراونەتە ئامانج و لێیاندراوە.

نوسیویەتی، قۆناخی یەکەم بە سەرکەوتوویی تەواو بووە، ئامانجی قۆناخی یەکەم ئەوەبوو کە هێرش بکرێتە سەر خاڵ و بنکەکان، بۆ ئەوەی رێگەی ئاراستەکردنی درۆن بۆ نێو قووڵایی خاکیان بکرێتەوە.