تورکیا و سوریا پلانێکى مەترسیدار دژى کورد جێبەجێدەکەن

توێژە سیاسی و کۆمەڵایەتییەکان  پیلانێکى تورکیا و سوریا بۆ شکستپیهێنانى پڕۆژەی خۆبەڕێوەبەری دیموکراسیی لە سوریا ئاشکرا دەکەن و رایدەگەیەنن، ئامانجێکی هاوبەش لە نێوان حکومەتی دیمەشق وئەنقەرەدا هەیە و ئەردۆغان هەوڵی تێکدانی سەقامگیری سووریا و داگیرکردنی ناوچەکانی سەر سنوور دەدات.

ئەمڕۆ یەکشەممە 25-8-2024، نوسینگەی پەیوەندییەکانی ئەنجوومەنی سووریای دیموکرات  سیمپۆزیۆمێکی وتووێژی لە ژێر ناوی “نزیکبوونەوەی تورکیا و سووریا، دەرئەنجام و ئامانجەکان” ڕێکخست و لە بەشێکى ئەو سیمپۆزیۆمەدا تیشکخرایە سەر نزیکبوونەوەی تورکیا و سوریا، ئەو لێکنزیکبوونەوەیە لەڕووی سیاسی و ئابوورییەوە ناتوانرێت بە قازانج وەسف بکرێت.

فەخری دەروێش وەک سیاسەتمەدارێک ئاماژەى بەوەکرد،  “نزیکبوونەوەی تورکیا و سوریا ئامانجی پووچەڵکردنەوەی پڕۆژەی خۆبەڕێوەبەرییە، بەتایبەتی دوای دەرچوونی گرێبەستی کۆمەڵایەتی، کە بە دەستوورێک دادەنرێت بۆ باکوور و ڕۆژهەڵاتی سریانی هەرێم."

لە بەرامبەردا غازی یاسین، ئەندامی فەرمانگەی پەیوەندییەکانی پارتی یەکێتیی دیموکراتی، وتی: هیچ ڕێککەوتنێک لە نێوان حکومەتی دیمەشق و دەوڵەتی داگیرکەری تورکیادا ئەنجام نادرێت، بەڵام لێکتێگەیشتن هەیە، تورکیاش بەدەست قەیرانی ناوخۆییەوە دەناڵێنێت بەوەش ناتوانرێت  لەگەڵ وڵاتانی ناوچەکەدا بگونجێنێت”.

لە کۆتایی سیمپۆزیۆمەکەدا ڕەجەب موشەڕەف، ئەندامی فەرمانگەی پەیوەندییەکانی ئەنجومەنی سوریای دیموکرات وتی: لە ئێستادا هیچ لێکنزیکبوونەوەیەک لە نێوان حکومەتی سوریا و دەوڵەتی داگیرکەری تورکیا لە ئاسۆدا نییە و ئامانجی تورکیاش لە ڕێگەی ئەو لێکنزیکبوونەوەیە بۆ لێدانی پڕۆژەی لامەرکەزییە کە ئیدارەی خۆسەر داوای دەکات”.