ناتۆ: هێرشی ئۆکرانیا بۆ سەر كورسکی ڕوسیا ڕەوایە

ناوەندی هەواڵ

ئەمڕۆ شەممە31ی ئابی  2024، سکرتێری گشتیی ناتۆ، لە یەکەم کاردانەوەی خۆیدا بەرامبەر بە هێرشی ئۆکرانیا بۆ سەر ناوچەی کورسکی ڕوسیا، ڕایگەیاندووە، ئەو هێرشەی ئۆکرانیای بۆ سەر خاکی ڕوسیا بە "ڕەوا" دەزانین.

یەنس ستۆڵتنبێرگ ڕۆژنامەنامەی "وێڵت ئام سۆنتاگ"ی ئەڵمانی وتووە، "ئۆکرانیا مافی ئەوەی هەیە بەرگری لە خۆی بکات" بەپێی یاسا نێودەوڵەتییەکان.

ئاماژەی بەوەشکرد، ناتۆ پێشوەختە لە پلانەکانی ئۆکرانیا ئاگادار نەکراوەتەوە و ڕۆڵی تێدا نەبووە.

بەپێی هەواڵی ڕۆژنامە ئەڵمانییەکە، سکرتێری گشتی ناتۆ ڕاشیگەیاند، ئۆکرانیا مەترسی پێشڕەویکردن بۆ ناو خاکی ڕوسیای لەسەرە، بەڵام بەڕێوەبردنی هەڵمەتە سەربازییەکەی لە سەر کیێڤە.

ئۆکرانیا لە ڕۆژی 6ی ئابی2024، سنوری ڕوسیای بەزاند و چووە نێو ناوچەی کورسکی هاوسنور لەگەل وڵاتەكەی ئەوەش کاردانەوەی توندی ڕوسیای لێکەوتەوە.