سوپای ئیسرائیل داوا لە 25 گوندی لوبنان دەکات چۆڵی بکەن

ناوەندی هەواڵ

وتەبێژی سوپای ئیسرائیل دەڵێت، داوایان لە 25 گوندی سنوری لوبنان کردوە بەزویی چۆڵی بکەن.

ئەفیخای ئەدرعی وتەبێژی سوپای ئیسرائیل ڕایگەیاند، بۆئەوەی زیانیان پێنەگات داوایان لەدانیشتوانی 25 گوندی سنوری لوبنان کردوە، دەستبەجێ ماڵەکانیان چۆڵ بکەن، چونکە بەهۆی چالاکییەکانی حیزبوڵاوە ژیانیان دەکەوێتە مەترسییەوە.

ئاماژەی بەوەشکردوە، حیزبوڵای لوبنانی ئەو گوندانە بۆ پێداویستییە سەربازییەکانی بەکاردەهێنێت، بۆیە بەزوترین کات بچنە باکوری وڵاتەکە و هەرکات ناوچەکە مەترسی لەسەر نەما دانیشتوانی ئەو گوندانە ئاگادار دەکرێنەوە بۆئەوەی بگەڕێنەوە.

شەڕوئاڵۆزییەکانی نێوان حیزبوڵای لوبنانی و سوپای ئیسرائیل درێژەی ئەیەو بەهۆی هەڵکوتانە سەر ماڵێکیش لە ناوچەی نەباتییە لە باشوری لوبنان، سێ کەس کوژران و دوو کەسی دیکەش برینداربون.

هاوکات، ئێوارەی دوێنێ ئیسرائیل کوژرانی هەشت سەرباز و سێ ئەفسەری وڵاتەکەی لە لوبنان ڕاگەیاند.