كاركردن بە شەو مێشك لاواز دەكات

ناوەندی هەواڵ

زانایان بۆیان دەركەوتووە، كاركردن تا درەنگانی شەو زیانێكی زۆر بە مێشك دەگەیەنێت.
لە توێژینەوەیەكی زانكۆی نیویۆركدا دەركەوتووە كاركردن تا درەنگانی شەو، زیانێكی زۆر بە تەندروستیی مرۆڤ و بە تایبەتتریش كەسانی بەساڵاچوو دەگەیەنێت.
لە چەند توێژینەوەیەكی پێشوودا ئاماژە بەوە درابوو كاركردن لە دەرەوەی كاتی رێكخراوی كاركردن، كاریگەریی خراپ دەكاتە سەر تەندروستیی مرۆڤ.
لەو توێژینەوە نوێیەدا داتاكانی 47 هەزار و 811 كەس وەرگیراون و لە كاتی كاركردن و تواناكانی مێشكیان كۆڵدراوەتەوە.
یەك لەسەر پێنجی بەشداربووانی توێژینەوەكە، بە درێژایی ئەزموونی كاركردنیان لە نۆرەكاتی لێكجیاوازدا (بەیانییان، ئێواران، شەوان و نیوەشەو) كاریان كردووە.
دەركەوتووە ئەوانەی لە نۆرەكاتی شەواندا كاریان كردووە بە بەراورد لەگەڵ ئەوانەی بە رۆژ كاریان كردووە، بە رێژەی لە سەدا 79 كێشە بۆ تواناكانی مێشكیان دروست بووە.
ئەوانەیش تا درەنگانی شەو كاریان كردووە بە رێژەی لە سەدا 53، ئەو كێشەیەیان زیاتر تیادا دەركەوتووە.
بەم جۆرەیش دەركەوتووە كە كاركردن بە شەوان و لە درەنگانی شەودا چ كاریگەرییەكی خراپ دەكاتە سەر مێشك.
 توێژەرەكان وای بۆ دەچن كە هۆشدارییە رووخێنەرەكانی كاتژمێری زیندەیی (ریتمی شەو و رۆژ) رۆڵیان هەبێت بۆ ئەمە و دەمارەكۆئەندام تێكبدەن.