دەوڵەت باخچەلی: کشانەوەی پەکەکە هەنگاوێکی گرنگ بوو

ئیرادە میدیا

لە گۆڕانکارییەکی بەرچاو و چاوەڕواننەکراودا لە ڕێڕەوی سیاسەتی تورکیا، دەوڵەت باخچەلی، سەرۆکی پارتی نەتەوەپەرستی تورکیا (مەهەپە)، لە کۆبوونەوەی ئاسایی پارتەکەیدا چەند لێدوانێکیدا کە ئاماژە بە نزیکبوونەوەی پرسی چارەسەری دەکەن.

باخچەلی بە ئاشکرا کشانەوەی هێزەکانی پەکەکە لەنێو خاکی تورکیا بە "هەنگاوێکی گرنگ" ناو برد و جەختی لەسەر ئەوە کردەوە کە دۆخی ناوچەکە "مەترسیدارە" و لەبەردەم گۆڕانکاریی گەورەدایە.

باخچەلی وتیشی: عەبدوڵڵا ئۆجالان، ڕێبەری زیندانیکراوی پەکەکە، "تا ئێستا بەڵێنەکانی خۆی بردووەتە سەر". لەسەر بنەمای ئەم ڕوونکردنەوە، باخچەلی بە فەرمی داوای لە پەرلەمانتاران کرد کە سەردانی ئیمراڵی بکەن و گوێ لە ئۆجالان بگرن و گوێڕایەڵی بن. هەروەها ڕایگەیاندووە خۆشیان ئامادەن سەردانی ئیمراڵی بکەن و چاویان بە ئۆجالان بکەوێت.

باخچەلی لەبارەی سەڵاحەدین دەمیرتاشەوە وتی: ئازادکردنی دەمیرتاش دەبێتە مایەی خێر بۆ تورکیا.

سەرۆکی مەهەپە پێیوایە ناوچەکە لە قۆناغێکی پڕ شەڕدایە و "نەخۆشییەکانی سیستم" لە زیادبوون دان. ئەو جەختی لەوەش کردەوە کە مەهەپە ڕۆڵی خۆی لەم قۆناغە گرنگەدا بینووە و پێشکەوتنێکی باش لە پرسی ئاشتی و پاراستنی تورکیادا بەدەست کەوتووە.