لە زاپ درۆنێكی سوپای توركیا خرایەخوارەوە

ناوەندی هەواڵ

ناوەندی راگەیاندن و چاپەمەنی هێزەكانی پاراستنی گەل-هەپەگە،  ئاشکرایکرد،  لە ماوەی چەند ڕۆژی ڕابردودا گەریلا چەندین چالاكی لە ناوچەكانی زاپ، خواکورک و هەفتانین لە دژی سوپای تورکیا ئەنجامداون و لە یەكێك لەو چالاكیانەدا درۆنێكی ئەو سوپایە خراوەتە خوارەوە.

ئەمڕۆ سێشەممە 9ی تەمموزی 2024، ناوەندی ڕاگەیاندن و چاپەمەنی هێزەكانی پاراستنی گەل-هەپەگە، ، لە ڕاگەیەندراوێكدا بڵاویکردەوە، کە لە ڕۆژانی 5 و 6 و 7ی تەمموز لە ناوچەی زاپ چەندین چالاكی دژی هێزەكانی سوپای توركیا ئەنجامدراون و گورز لە چەند مۆڵگەیەكی هێزەكانی تورکیا وەشێندراوە بەڵام هێشتا زیانەكانی دوژمن نەزانراون.

هەپەگە ئەوەشی ئاشکراکردووە، کە لە زنجیرە چالاکییەکی گەریلاکانی ئازادیی دا فڕۆکەیەکی بێفڕۆکەوانی سوپای داگیرکەری تورکیا خراوەتە خوارەوە و هەروەها سیستەمێکی کامێرای چادێری و دوو مۆڵگەی داگیرکەرانیش تێکشکێندراون. 

بەپێی ڕاگەیەنداراوەکەی هەپەگە ، ئەو چالاکییانە لەلایەن گەریلاکانی یەژاستارەوە و لە ڕۆژانی 5 تا 8ی ئەم مانگە لە زاپ، حەفتانین و خواکورک ئەنجام دراوە.

هەر بەپێی راگەیەندراوەكە، ڕۆژی 30ی حوزەیران و 5ی تەمموز، لەناوچەی هەفتانین گەریلا دو چالاكی دژی هێزەكانی توركیا ئەنجامداون و زیانەكانی دوژمن نەزانراون.