2024-06-14
373 جار خوێنراوەتەوە
ئەمڕۆ رێوڕەسمەکانى حەج دەستپێدەکات
ناوەندی هەواڵ
لە ئەمڕۆوە رێوڕەسمەکانى حەج دەستپێدەکات و وەک یەکەم هەنگاویش حاجییان ئیحرام دەپۆشن و بە دەورى کەعبەدا دەسوڕێنەوە.
ملیۆنێک و 500 هەزار کەس لە جیهانەوە گەیشتوونەتە مەککە و لە ئەمڕۆوە هەینی هەنگاوەکانى بەجێهێنانى فەریزەى حەج دەستپێدەکەن، یەکەم هەنگاویش بریتییە لە پۆشینى ئیحرام و سوڕانەوە بە دەوورى کەعبەدا.
بەجێهێنانى حەج، ژمارەیەک پایە و ئەرکى هەیە و حاجییان لەماوەى مانەوەیاندا بە گوێرەى ریزبەندى ئەنجامیان دەدەن.
دەسەڵاتدارانى سعودیە، ژمارەیەک رێکاریان بۆ پاراستنى تەندروستى حاجییان و دابەزاندنى پلەکانى گەرما ئەنجامداوە تاوەکو ئەمساڵ رێوڕەسمەکانى حەج بە بێ کێشە بەڕێوەبچن.
هاوکات وەزارەتی ئەوقاف و کاروباری ئاینی ئەرک و واجباتی حاجیانی بڵاوکردووەتەوە و دەڵێت:
لەڕۆژی هەینییەوە ئەرکەکان دەستپیدەکەن کە بەمجۆرەی خوارەوەن:
* ئێوارەی سبەی ھەینی حاجیان ئیحرام دەبەستن و بەرەو کێوی عەرەفە بەڕێدەکەون، تاکو ڕۆژی شەممە نوێژی مەغریب لەعەرەفە دەمێننەوە.
* دواتر حاجیان دەچنە ناوچەی موزدەلیفە و نوێژی مغریب و عیشا بەقەسرو جەمع دەکەن و شەو لەوێ دەمێننەوە
* دواتر حاجیان دەچن بۆ جەمەڕات
* ئینجا بۆ تەوافی ئیفازە و دواتر سەعی سەفا مەڕوا ئینجا قژ تاشین یان کورتکردنەوە
* بۆڕۆژی یەکەمی جەژن حاجیان دەچنە مینا دووشەو دەمێننەوە
* یەکەم ڕۆژ دوای نیوەڕۆ دەچن بۆ جەمەڕات
*دووەم ڕۆژیش دوای نیوەڕۆ دەچن بۆ جەمەڕات
* ئەرک و واجباتی حەج کۆتایی دێت تاکو ساتی گەرانەوە و ئەنجامدانی تەوافی ماڵئاواییمەرجە حاجیان ھەدی بکەن واتە حەیوانێک سەربڕن لەماوەی ئەرک واجباتەکان .خوای گەورە حەجی پیرۆزتان بەقسمەت بکات
|