ئەمڕۆ لە ئێران سەرۆک کۆمارێکی نوێ هەڵدەبژێردرێت

ناوەندی هەواڵ

ئەمڕۆ لە ئێران سەرۆک کۆمارێکی نوێ هەڵدەبژێردرێت و 61 ملیۆن و 452 هەزار و 321 کەسیش بەشداری ئەو پڕۆسەیە دەکەن.

کاتژمێر 7:30ى خولەکى بەیانى ئەمڕۆ  هەینی 28-6-2024، دەنگدان بۆ هەڵبژاردنی سەرۆککۆماری ئێران دەستپێکرد و ماوەى 10 کاتژمێر بەردەوام دەبێت.

سەعید جەلیلی، محەممەدباقر قالیباف، مستەفا پوورمحەممەدی و مەسعود پزیشکیان، کاندیدن بۆ وەرگرتنى پۆستى سەرۆککۆماریی داهاتووى ئێران.

تا ئێستا پێشبینی و ڕاپرسییەکان  بە ئاڕاستەی بردنەوەی پزیشکییان، جەلیلی و قالیبافن، لە سەرەتای  بانگەشەکانی 14ەمین خولی هەڵبژاردنی سەرۆکایەتی ئەو وڵاتەوە، ڕکابەریی تووند و نزیک لە نێوان ئەو سێ کاندیدەدا هەیە.

بەگوێرەى ئامارى کۆمسیۆنی هەڵبژاردنەکانی ئێران، 61 ملیۆن و 452 هەزار و 321 کەس مافى دەنگدانیان هەیە و لە سەرەتاسەری ئێران زیاتر لە 58 هەزار بنکەی دەنگدان دانراوە.