ئیسرائیل هەڕەشەى وەڵامدانەوە لە گروپە چەكدارەكانی عێراق دەکات

ناوەندی هەواڵ

سوپای ئیسرائیل پلان بۆ وەشاندنی گورز لە گروپە چەكدارەكانی عێراق دادەنێت و دەڵێت، وەڵامی گونجاو دەستنیشان دەكەن، لەبەرامبەر هێرشی فرۆكە بێفرۆكەوانەكان بۆ سەر سەربازەكانمان لە جۆلان و ناوچەكانی تر.

رۆژی هەینی رابردوو، سوپای ئیسرائیل كوژرانی دوو سەربازی لە لیوای گۆلانی لە باكوری ئیسرائیل راگەیاند و، میدیاكانی ئیسرائیلیش ئاشكرایانكرد، هێرشەكە لە ئەنجامی فرۆكەیەكی بێفركەوان بووە كە لە عێراقەوە هەڵدراوە، كە جگە لە كوژرانی ئەو دوو سەربازە (23) سەربازی دیكەش برینداربوون.

رۆژنامەی (یەدیعۆت ئەحرانۆت)ی ئیسرائیلی، لەزاری سەرچاوەكانیەوە بڵاویکردەوە، دوای كوژرانی دوو سەربازی و برینداربونی ژمارەیەكی تر، لە هێرشێكدا بە فرۆكەی بێفركەوان بۆ سەر جۆلان ئیسرائیل پلان دادەرێژێت بۆ لێدان لە گروپە چەكدارەكانی عێراق.

بەوتەى ئەو سەرچاوانە، وەڵامی گونجاو دەستنیشان دەكەن، لەبەرامبەر هێرشی فرۆكە بێفرۆكەوانەكان بۆ سەر سەربازەكانمان لە جۆلان و ناوچەكانی تر.

دواى هێرشەکەش لەئێستادا كەتائیبی حزبوڵای عێراقی ، كەتائیبی سەیدلشوهەداو، بزوتنەوەی نوجەبای عێراقی، گروپێكیان پێكهێناوە بەناوی "مقاوەی ئیسلامی لە عێراق، كە بەرپرسیارێتی خۆیان لە ئەنجامدانی هێرشەكە راگەیاند.