حووسیەکان سێ هێرشی دیکەیان کردە سەر کەشتیە بازرگانیەکان

ناوەندی هەواڵ

شەوی ڕابردوو حووسییەكانی یەمەن لە ڕێگەى فڕۆکەى بێفڕۆکەوان و موشەکەوە لە دەریای سوور و عەرەبی سێ هێرشیان كردە كەشتیییە بازرگانییەكان، دەشڵێن، یەکێک لە کەشتییەکان لەلایەن ئەرمیکاوە خاوەندارى دەکرێت و ئەوانى دیکەش لەلایەن بەریتانیاوە خاوەندارى دەکرێن.

دەشڵێن، لە دەریای سوور دوو هێرشمان ئەنجامداوە و یەكەمیان بۆسەر كەشتیی ڕۆزا بوو ئەوی دیكەیان كەشتیی ڤانتاج دریم بوو، کە لەلایەن بەریتانیاوە خاوەندارى دەکرێن.

ئەوەش خراوەتەڕوو، هێرشیی سێیەم بۆسەر كەشتیی ئەمریكی “مارسك سێلێتار” بە ژمارەیەك فڕۆكەی بێفڕۆكەوان لە ڕۆژهەڵاتی دەریای عەرەبی ئەنجامدراوە.

لە دوای 7ـی مانگی 10 ساڵی ڕابردووە و لە دوای سەرهەڵدانی شەڕی حەماس و ئیسرائیل، حووسییەكانی یەمەن پشتیوانی خۆیان بۆ حەماس دووپات كردەوە و ڕایانگەیاند، لە دەریایی سوور هەر كەشتییەكی ئیسرائیل یان وڵاتانی دیكە بەرەو ئیسرائیل بچێت دەیكەنە ئامانج.