ئەڵمانیا ئامادەکاریی بۆ جەنگ دەکات

ناوەندی هەواڵ

وەزیری بەرگریی ئەڵمانیا ڕایگەیاند، پوتین لە جەنگی ئابووریدایە و ئامادەکاریی بۆ ململانێیەکی دیکە دەکات، دەبێت تا 2029 ئامادەبن بۆ جەنگ.

بۆریس پیستۆریەس، وەزیری بەرگریی ئەڵمانیا ڕایگەیاند، ڕووسیا لە سنووری ئۆکرانیا ناوەستێت و دواتر دەبێتە هەڕەشە بۆ سەر خاکی ناتۆ.

دەشڵێت "نابێت بەرگریی و ئامادەیی خۆمان فەرامۆش بکەین. جەنگی ئابووریی پوتین ئامادەکارییەکە بۆ جەنگ و ململانێیەکی دیکە، دەبێت تاوەکو ساڵی 2029 ئامادەی جەنگ بین و  ڕێگریی لە زیادبوونی گرژییەکان بکەین".

بۆریس پیستۆریەس دەڵێت، دەبێت درک بەوە بکەین، بە سەرکەوتنی پوتین باجەکەی دەدەین، زۆر زیاتر لەوەی ئێستە لە هاوکاریکردنی ئۆکرانیا خەرجی دەکەین. 

ئاماژەی بەوەشکردووە، ڕوسیاماوەیەکی زۆرە  لە جەنگی ئابووریدایە و خۆی پڕچەک دەکات و لە کۆتاییدا دەبێتە ‌هەڕەشە بۆ سەر جۆرجیا، مۆڵدۆڤا و ناتۆ".