پوتین مەرجەکانی بۆ راگەیاندنی ئاگربەست ئاشکرا کرد

ناوەندی هەواڵ

سەرۆکی روسیا لە نوێترین لێدوانیدا مەرجەکانی بۆ راگەیاندنی ئاگربەست لەگەڵ هێزەکانی ئۆکرانیا ئاشکرا کرد، دەشڵێت، دەبێت کیێڤ دەستبەرداری پلانی بوون بە ئەندامی رێکخراوی ناتۆ ببێت.
 
ڤلادیمێر پوتین سەرۆکی روسیا رایگەیاند، پێش دەستپێکردنی ئاگربەست دەبێت هێزەکانی ئۆکرانیا لەو خاکانە بکشێنەوە کە بەو وڵاتەوە لکێنراون، هەروەها دەبێت کیێڤ دەستبەرداری پلانی بوون بە ئەندامی رێکخراوی ناتۆ ببێت.
 
ئاماژەی بەوەشکرد، ئەو ناوچانەی پێویستە ئۆکرانیا بکشێتەوە لێیان بریتین لە دۆنتێسک، لۆهانسک، خێرسۆن و زاپۆریژیا، بەپێچەوانەوە دانووستان لەنێوان مۆسکۆ و کیێڤ روونادات.
 
جێگەی ئاماژەیە ئەمە، لەکاتێکدایە کە بڕیارە ئەمڕۆ شەممە 15ی حوزەیرانی 2024، سەرکردەکانی 90 وڵات لە سویسڕا کۆبوونەوە ئەنجامبدەن بە مەبەستی تاوتوێکردنی رێگاکانی هێنانەدی ئاشتی بۆ ئۆکرانیا.