ئیسرائیل داوای چۆڵكردنی گوندەكانی باشوری لوبنان دەكات

ناوەندی هەواڵ

سوپای ئیسرائیل داوای لە دانیشتوانی گوندەكانی لوبنان كرد، دەستبەجێ‌ ناوچەكانیان چۆڵبكەن، لەپێناو پاراستنی سەلامەتیان و هێرشە ئاسمانیەكانی بۆ سەر لوبنان چڕکردووتەوە.

ڕۆژی سێشەممە 17 و 19ى ئەم مانگە هێرشێکی ئەلیکترۆنی لەلایەن ئیسرائیلەوە کرایە سەر ئامێرەکانی پەیوەندیکردنی ئەندامانی حیزبوڵڵای لوبنان، لەڕێگەی هاککردنەوە لەیەک کاتدا بێتەلەکان تەقێنرانەوە لە ئەنجامدا بە سەدان کەس بوونە قوربانى.

ئەمڕۆ دووشەممە 23-9-2024، دانیال هاگاری، وتەبێژی سوپای ئیسرائیل داوای لە دانیشتوانی گوندەكانی لوبنان كرد، دەستبەجێ‌ ناوچەكانیان چۆڵبكەن، لەپێناو پاراستنی سەلامەتیان و دەشڵێت، لە ماوەی داهاتوودا هێرش دەكەینە سەر ئامانجە تیرۆرستیەكان لە لوبنان.
وتەبێژی سوپای ئیسرائیل ئاماژەى بەوەکرد،  حزبوڵا موشەكی كروزو سەكۆی موشەكی و فرۆكەی بێفركەوان لە ناو ماڵی هاوڵاتیان عەمباردەكات ،سوپا هەرچیەك پێویست بێت دەیكات، لەپێناو گێڕانەوەی ئاسایش بۆ باكوری ئیسرائیل.

لێدوانەكەی هاگاری، دوای كاتژمێرێك دێت لە هێرشێكی چڕی ئاسمان ئیسرائیل بۆ سەر چەند ئامانجێكی حزبوڵا لە باشوری لوبنان.