ئاسایشی نیشتمانی عێراق: داعش پلانی داناوە بۆ هێرشكردنە سەر بەندیخانەكانی رۆژئاوای كوردستان

سەرۆكی دەزگای ئاسایشی نیشتمانی عێراق رایگەیاند، لە رەقەو حەسەكەو ناوچەكانی تر داعش پلانی داناوە بۆ هێرشكردنە سەر بەندیخانەكانی رۆژئاوای كوردستان.

عەبدولكەریم عەبد فازیل سەرۆكی دەزگای ئاسایشی نیشتمانی عێراق  بۆ رۆژنامەی"الصباح": هۆشداریداوە لە هەڵهاتنی بە كۆمەڵی داعش لە بەندینخانەكانی سوریا و كارگەرییان لەسەر ئایشی هەرێمی و نێودەوڵەتی، ئامادەیی هێزەكانی عێراقیشی پیشانداوە بۆ روبەڕوبونەوەی هەر هەڕەشەیەكی ناوخۆیی و دەرەكی. 

دەشڵێت، تیرۆرستانی داعش پلاندادەنێن بۆ ئەنجامدانی هێرش بۆ سەر زیندانەكانی سوریا بۆ دەربازكردنی هەزاران تیرۆرست لە رەگەزنامە جیاوازەكان، كە تائێستا لەژێر دەسەڵاتی هێزەكانی سوریای دیموكراتدان.

سەرۆکى دەزگاکە، هۆشداری لە هەڵهاتنی تیرۆرستە (عێراقی یان بیانییە دەستبەسەرەكان) لە زیندانەكانی سوریا(هۆل و سەوامع) لە رەقە، لەگەڵ زیندانی (دواناوەندی پیشەسازی) لە شاری حەسەكە داوە، كە دەبنە هۆی دروستبونی مەترسی لەكاتی هەڵهاتنی بە كۆمەڵ و دروستكردنی كاریگەری لەسەر ئاسایشی ناوچەكەو جیهان.

بەوتەى عەبدولكەریم عەبد تیرۆرستانی داعش پلاندادەنێن بۆ ئەنجامدانی هێرش بۆ سەر زیندانەكانی سوریا بۆ دەربازكردنی هەزاران تیرۆرست لە رەگەزنامە جیاوازەكان، كە تائێستا لەژێر دەسەڵاتی هێزەكانی سوریای دیموكراتدان.