بۆ دواجار گروپە چەکدارەکانى عێراق ئاگادار دەکرێنەوە

راویژکارێکى سودانى رایگەیاند، بۆ دواجار داوامان لێكراوە گروپە چەكدارەكانی عێراق هەڵبوەشێنینەوە،  ئەگەر گروپە چەکرارەکانى عێراق خۆرسکانە هەڵنەوەشێننەوە بەهێز هەڵدەوەشنێرێتەوە.

ئیبراهیم سمێدەعی، راوێژكاری سەرۆك وەزیرانی عێراق رایگەیاند،  پێویستە لەسەر گروپە چەكدارەكانى عێراق خۆرسكانە دەستپێشخەری بكەن بۆ هەڵوەشاندنەوەی خۆیان و تێكەڵبون بە دۆخی سیاسی، چونکە چەند جارێك داوایان لێكراوە گروپە چەكدارەكانی عێراق هەڵبوەشێنیەوە، ئەگەر ئەمجار  ئەوە نەكەین، بەداخەوە بەشێوازێكی تر بەسەرماندا دەسەپێنرێت و بەدڵنیایی لەڕێی هێزەوە ئەو كارە دەكەن و دەیانكەنە ئامانج.

وتیشی، لێكگەیشتنی سیاسی لەگەڵ گروپە چەكدارەكان پێیناوەتە قۆناغێكی پێشكەوتووەو جۆرێك لە وەڵامدانەوەیان هەیە، بەڵام ئەوەی داواكراوە هەڵوەشانەوەیە.