سلێمانی..بەتۆمەتی سیخوڕیکردن بۆ میتی تورکیا دوو هاوسەر دادگایی کران

ناوەندی هەواڵ

ئەمڕۆپێنج شەممە24ی تەمموزی2025، لە دادگای سلێمانی، دوو کەس بە تۆمەتی سیخوڕیکردن بۆ میتی تورکیا دادگایی کراون بەڵام

بەپێی زانیارییەکان، دادوەرتایبەت بەدۆسییەکە  بەهۆکاری تەواونەبوونی لێکۆڵینەوەکان دانیشتنەکەی دواخستووە.

ئیرادە میدیا زانیویەتی، ئەو دوو کەسەی دەستگیرکراون، ژنێک و پیاوێکی کوردی خەڵکی شاری سلێمانین و هاوسەری یەکترن.

ئەو دوو سیخوڕە نزیکەی پێنج مانگە بە تۆمەتی تێوەگلان لە کاری سیخوڕیی بۆ میتی تورک، لەلایەن هێزە ئەمنییەکانی سلێمانییەوە دەستگیرکراون.

هەردووکیان گومان لێکراوی سەرەکی رووداوی بۆردوومانکردن ئۆتۆمبێلێکن کە لە مانگی شوباتی ئەمساڵدا لە نزیک شارۆچکەی چوارقوڕنە لە ئیدارەی راپەڕین،  بەئامانج گیراو تێیدا سێ کەس شەهیدبوون.

یەکێک لەوکەسانەی لەو ڕووداوەدا شەهیدبوو، ڕۆژنامەنووس عەزیز کۆیلوئۆغلوو بوو، دوو شەهیدەکەی دیکەش پێکهاتبوون لە پوور و خوشکەزایەکی بەناوەکانی هێڤا عەرەبۆ و دلاوەر عەرەبۆ.

 سەرچاوەیەک لەدادگای سلێمانی بەدەزگای میدیایی "ئیرادە"ی وت"لە نمونەی دۆسییەی سیخوری و کارکردن بۆ وڵاتان و پێدانی زانیاری ناوخۆیی بەدەرەوە زۆرن و رۆژانە دادگایی دەکرێن.

ئەو سەرچاوەیە وتیشی" ئەو کەسانەی بەوتۆمەتانە دادگایی دەکرێن لە بنەڕەتدا بەهۆی قورسی دۆسییەکانیانەوە سزاکەیان قورس و زۆرە بەڵام لەدادگاکانی کوردستان لەنێوان 1 ساڵ بۆ 5ساڵ و یەک رۆژ سزای زیندانیان بۆ دەردەچێت.