دەوڵەتی یاسا دوو بژاردە بۆ هەڵبژاردنی سەرۆکی نوێی پەرلەمان دیاری دەکات

ناوەندی هەواڵ

هاوپەیمانی دەوڵەتی یاسا، دوو بژاردەی بۆ هەڵبژاردنی سەرۆکی نوێی پەرلەمان دەستنیشان کرد، ئەمەش ئاماژەیە بۆ ئەوەی سەرۆکایەتی پەرلەمان تەنیا سەر بە پێکهاتەی سوننەیە. 

ئەمڕۆ پێنجشەممە، حسێن عەلی مەردان، پەرلەمانتاری هاوپەیمانی دەوڵەتی یاسا،  ڕاگەیاندووە، دەقی دەستووری بریتییە لە هەڵبژاردنی سەرۆکێک بۆ پەرلەمان بە زۆرینەی ڕەها، واتە نیو + یەک، بە 166 دەنگ، یان لە ڕێگەی کشانەوەی کاندیدەکان و هەنگاونان بەرەو کردنەوەی دەرگای کاندیدکردن.

ئاماژەی بەوەشکردووە، "بەردەوامی ناکۆکی سوننەکان و ڕێکنەکەوتن لەسەر یەک کەسایەتی پاڵنەرە بۆ ئەوەی موحسین مەندەلاوی سەرۆکی پەرلەمان بە وەکالەت لەم پۆستەدا بمێنێتەوە".

جەختیشی لەوە کردەوە کە "هێزە سوننەکان هێشتا بڕیاریان نەداوە لەسەر بابەتی تاقیکردنەوەی سەرۆکێک بۆ پەرلەمان بۆ ئەوەی ببێتە شوێنگرەوەی محەمەد حەلبوسی سەرۆکی دوورخراوەی پەرلەمان. 

بەوتەی ئەو پەرلەمانتارە، دەوڵەتی یاسا و پێکهاتەی سوننە ڕێککەوتن لەسەر کاندیدکردنی کەسێک بۆ سەرۆکایەتی پەرلەمان.