بە پێى بەڵگەنامەیەکى نهێنى بە قاچاخ فرۆشتنی نەوت مەترسی گەورە دەخاتە سەر بودجەی هەرێم

ناوەندی هەواڵ

ئۆپیک لەبەڵگەنامەیەکى نهێنیدا داواى لە عێراق کردووە زیانى بەقاچاخ بردنى نەوتى هەرێم لە بودجە کەمبکاتەوە، ئەگەرنا لە داهاتوودا مەترسیەکى گەورە لەسەر عێراق دروستدەبێت.

بەپێى بەڵگەنامەیەکى نهێنى کە ئاشکرا بووە، تیایدا ڕێکخراوی ئۆپیک داواى لە عێراق کردووە زیانى بەقاچاخ بردنى نەوتى هەرێم لە بودجە کەمبکاتەوە، بەوەش مەترسیەکى گەورە لە سەر پشکى هەرێم دروستدەبیت.

ئەندامانى لیژنەى نەوت و وزە لە ئەنجوومەنى نوێنەرانى عێراق ئاماژەیان بەوە داوە، ماوەى چوار مانگە عێراق داواى لە بەرپرسانى هەرێم کردووە بەقاچاخ بردنى نەوتى هەرێم رابگرن، چونکە زیانى زیاترلە 16 ملیار دۆلار بە عێراق گەیاندووە.

هەرێم ئەو داوایەى رەتکردووتەوە و تا ئێستا لە فرۆشتنى نەوت بە نایاساى بەردەوامە و رۆژانە زیاتر لە 200 هەزار بەرمیل نەوت بە شێوەى قاچاخ لە تورکیاوە بەرەو وڵاتان ڕەوانە دەکرێت.

لەچەند ڕۆژی پێشودا "ئۆپێک" بۆ وڵاتانی هەناردەکاری نەوت ئاشکراکردووە، کە قاچاخچێتی یەکی زۆری نەوت بەڕێگەی تەنکەر لە پارێزگاکانی هەرێم ئەنجام دەدرێت ئەوەش کێشەی گەورەی بۆ دروستکردوون، هاوکات بەغدای بە بەرپرسیار زانیوە لە بڕی نەوتی قاچاخ و پابەندی کردووە بە کەمکردنەوەی بەرهەمهێنانی 220 هەزار بەرمیل لە ڕۆژێکدا ئەگەر ڕێگری لەبەقاچاخبردنی نەوتی هەرێم نەکات.